ჩვენმა გუნდმა საარჩევნო პროგნოზები მეორე ტურის წინაც გამოაქვეყნა. არჩევნების ბაიესური მოდელის მიხედვით, სალომე ზურაბიშვილს გამარჯვების უფრო მეტი შანსი აქვს, ვიდრე - გრიგოლ ვაშაძეს. სიმულირებული ხმების მედიანური მნიშვნელობა ხელისუფლების მიერ მხარდაჭერილი კანდიდატისთვის დაახლოებით 52%-ს შეადგენს, ხოლო ვაშაძისთვის იგივე მაჩვენებელი 48%-ია. თუკი ალბათობებს შევაფასებთ, დაახლოებით 65%-ია იმის შანსი, რომ ზურაბიშვილმა ვაშაძეზე მეტი ხმა მოაგროვოს. ეს იმას ნიშნავს, რომ ხელისუფლების კანდიდატის გამარჯვება უფრო მოსალოდნელია, ვიდრე - დამარცხება. თუმცა შეგახსენებთ, რომ სხვადასხვა პროგნოზის მიხედვით, ჰილარი კლინტონის წარმატების შანსები 2016 წლის ამერიკის საპრეზიდენტო არჩევნებში დაახლოებით 71%-ს შეადგენდა.

არჩევნების მეორე ტური საარჩევნო აქტივობა 10 საათისთვის საარჩევნო აქტივობა მეტია, ვიდრე საპრეზიდენტო არჩევნების პირველ ტურში როგორც აბსოლუტური, ასევე - პროცენტული მაჩვენებლებითაც. ცესკო-ს მონაცემებით, 2018 წლის საპრეზიდენტო არჩევნების პირველ ტურში დილის ათი საათისთვის 215 329 ამომრჩეველს ჰქონდა მონაწილეობა მიღებული, მაშინ, როდესაც ახლა საარჩევნო უბნებზე უკვე 255 251 ამომრჩეველი იყო გამოცხადებული. ტრადიციულად, აქტიურობენ დასავლეთ საქართველოს მაღალმთიანი მუნიციპალიტეტების მცხოვრებლები სხვაობა საარჩევნო აქტივობაში 10 საათისთვის საინტერესო სხვაობაა საარჩევნო ოლქების მიხედვით - თბილისში აქტივობა უფრო მაღალია, ვიდრე - არჩევნების პირველ ტურში

შეწონილი საშუალო სიმულირებული პროპორციები

სიმულირებული პროპორციები საარჩევნო პროგნოზის ამ ვარიანტში წარმოდგენილია 2000-ჯერ სიმულირებული არჩევნების შედეგების განაწილება, დიაგრამებზე გაკეთებული წარწერები სიმულაციების მედიანურ მნიშვნელობებს აღნიშნავს. აქ ყურადღება უნდა მივაქციოთ იმას, რომ სალომე ზურაბიშილის შემთხვევაში, სიმულირებული შედეგების ზუსტად მეოთხედი კვეთს 50%-იან ზღვარს, რაც იმაზე მიგვითითებს, რომ 25%-ია იმის შანსი, რომ ხელისუფლების მიერ მხარდაჭერილი კანდიდატი პირველივე ტურში მოიპოვებს გამარჯვებას. შესაძლოა, 25%-იანი ალბათობა მცირედ მოგეჩვენოთ, მაგრამ 2016 წლის საპრეზიდენტო არჩევნებში დონალდ ტრამპის წარმატების შანსებს ერთ-ერთი პროგნოზი 29%-ით აფასებდა. ასე, რომ მოულოდნელი არ იქნება, თუკი ზურაბიშვილი არჩევნების პირველივე ტურში მიაღწევს წარმატებას.

სალომე ზურაბიშვილი სალომე ზურაბიშვილი საქართველოს პრეზიდენტობის ნომინალურად დამოუკიდებელი კანდიდატია, თუმცა მმართველი პარტია ქართული ოცნება მას აქტიურად უჭერს მხარს. თუ ზურაბიშვილი ამომრჩეველთა უმრავლესობის მხარდაჭერის მოპოვებას შეძლებს, ის საქართველოს პირველი არჩეული ქალი პრეზიდენტი გახდება. დამატებით, ეს იქნება პირველი შემთხვევა, როდესაც პრეზიდენტი იმიგრანტი და სხვა ქვეყანაში დაბადებული პიროვნება იქნება. ზურაბიშვილი საფრანგეთში დაიბადა 1920-იან წლებში საქართველოდან წამოსული პოლიტიკური ემიგრანტების ოჯახში. მან განათლება საფრანგეთსა და ამერიკის შეერთებულ შტატებში მიიღო და სწავლის დასრულების შემდეგ საფრანგეთის საგარეო საქმეთა უწყებაში დაიწყო მუშაობა.

საარჩევნო პროგნოზების ანალიზისთვის ჩვენ გამოვიყენეთ 15 წინასაარჩევნო და პოლიტიკური გამოკითხვის შედეგები. აღნიშნული გამოკითხვები დროის სხვადასხვა ინტერვალში განსხვავებული მეთოდოლოგიით სხვადასხვა კვლევითი ორგანიზაციებისა თუ პოლიტიკური და ინტერესთა ჯგუფების მიერ ჩატარდა. შესაბამისად, ჩვენს მიერ გამოყენებულ ყველა გამოკითხვაში ასახულია მეთოდოლოგიური და იდეოლოგიური მრავალფეროვნება, რომლითაც ხასიათდება ქართული პოლიტიკური ცხოვრება. გამოყენებული 15 კვლევა შეგვიძლია სამ ძირითად ჯგუფად დავყოთ. გამოკითხვების პირველი ნაწილი ჩატარდა 2018 წლის საპრეზიდენტო არჩევნებამდე მნიშვნელოვნად დიდი ხნით ადრე, როდესაც ჯერ არ იყო ჩამოყალიბებული და განსაზღვრული საარჩევნო პროცესის დინამიკა და ძირითადი კანდიდატები.